Wednesday, April 18, 2007

!!! ..... رساله بدون اسم


لقراءة الجزء الاول " تفريغ الذاكره " اضغط هنا



لقراءة الجزء الثانى " ماذا فعلت ؟ " اضغط هنا


***************************************


.....اللزج
هذه هى الكلمه التى تخطر على بال كل من يراه


انه عزت ... سواق المستشار رائف بالدور الخامس


فهو طويل و نحيف .... على وجهه ابتسامه لزجه مثله دائما ...


يمشى يهتز بسخافه ...و كأنه عضو مجلس ادارة العالم


انت تعرف هذا النوع من البشر المسمى ( ابو العريف ) الذى يتحدث فى اى شئ و فى اى وقت


انه هو


انه عزت


****************
وحشتينى يابت
و انت كمان ياعزت


قالتها كريمه -خادمة مصطفى - لعزت و هى تتصنع الرقه


عايز اشوفك ...


مش هاينفع الليله ..ستى رشا لسه جايه و باين علبها متنرفزه.... مش هاعرف اسيب البيت
باقولك ايه ....ماليش دعوه انا هاطلع استناكى فوق السطوح و تجيلى بعد 5 دقايق
لا بلاش السطوح و النبى ...انت ناسى المره اللى فاتت لما ابراهيم الحفار شافنا ؟
و ده راجل لسانه طويل و هايحكى للحى كله

يا بت متخافيش انا معاكى ... دانا عزت يابت .....عـــزت

قالها و هو يمسح بيده على شعره الذى يلمع بشده من فرط اللزوجه

و بعدين سى زفت مش باين بقالوا يومين ...تلاقيه رجع بلدهم و الاوضه بتاعته اللى فوق فاضيه
طيب اما اشوف
مافيش اما اشوف .....5 دقايق و نتفابل فوق
************************
انا هاروح اجيب حاجه من الاجزخانه يا ست رشا عايزه حاجه


لا يا كريمه ......بس ماتغيبيش
*************************
سامحنى يارب اصله و اعدنى بالجواز
تمتمت كريمه و هى تقف داخل المصعد ..و هى تضغط على زر الدور الاخير

انا مش هاخليه يلمسنى المره دى
بس ..هه

بس ممكن اخليه يبوسنى .... مره و خلاص

اصله بيبوس حلو اوى ..ابن الكلب
خرجت من المصعد و تحسست طريقها الى مدخل سطح البنايه ... على ضوء الشارع الضعيف

دخلت الى السطح المظلم و هى تتمتم :
هو مجاش و الا ايه ... ثم نظرت الى غرفة ابراهيم الحفار الخشبيه و التى تقبع فى ركن السطح
ربنا يستر ....قالت و هى تنظر الى الغرفه بخوف
انت جيت يا جميل
قال عزت و هو يخرج من الركن المظلم

خضيتنى يا اخى حرام عليكى
و حشتينى و عهد الله ...قال و هو يقترب
باقولك ايه اعقل و بلاش الحاجات دى ... ... احنا اتفقنا
حاول ان يضمها اليه بالقوه .. و هى تتمنع بدلال و تبتعد عنه .... و تتراجع خطواتها فى اتجاه غرفة الحفار
واستندت بظهرها الى باب الغرفه ... و هى تقول بمياصه مش كده ياعزت

امال ازاى يابت
و اقترب منها و امسك راسها بكفيه و هو يحاول ان يقبلها ... و هى تتظاهر بالمقاومه

وسمعوا صوت شئ معدنى صغير يرن عند ارتطامه بالارض
يالهوى ....كده ....اديك و قعت فردة الحلق .......هاتها بقى
و اخرج اللزج قداحته من جيبه ..و اشعلها ليأتى لها بفردة الحلق
و انخفض يبحث عها و اشعل القداحه
يانهار اسود
ايه الدم ده ؟؟؟؟؟؟؟؟؟؟؟؟
*****************************************
صاح عزت و هو يلتقط الحلق ...من وسط الدماء الغزيره التى اغرقت الارض تحتها
و مشى بالضوء على الارض ...فوق الدماء
ووجد انها تخرج من تحت باب الغرفه
غرفة ابراهيم الحفار
************************************
عاد مصطفى الى المنزل مساء ....بعد ان قضى اليوم بطوله بالخارج
ركن سيارته ... و امسك تليفونه المحمول
كان قد جعله فى الوضع الصامت ... و الان وجد عليه عدة مكالمات لم يرد عليها
معظمها من رشا
اسند رأسه للخلف .... و هو ينظر الى سقف السياره
و مائة سؤال تدور فى رأسه
مين اللى انا شفته مقتول ده ؟
و ازاى فى طلقه انضربت من الطبنجه ؟
و ازاى الدكتور اللى على النت بيقول ان الموضوع لسه هايحصل ... مع ان الطلقه انضربت خلاص ... ؟؟؟
ايه ده يا مصطفى .... يعنى انت ايه .... قتلت حد ؟؟؟؟
و قتلته ازاى ...و امتى ....و هو مين اصلا ؟؟؟
انا هاتجنننننننننن
******************************
يا عزت
امرك يا رائف باشا
والنبى خد العربيه ... و روح بره على الشارع شوفلنا الراجل بتاع الدش و هاتوا معاك
ليه ياباشا خير
مشعارف الدش مخرف ليه ... مشجايب صوره من ساعه
طب يا باشا هما دلوقتى يبقوا قفلوا ..... بكره الصبح... طالاما سعادتك مش نازل انا هاروح اجييبه و اطلع معاه لغاية مايخلص
ماشى بس اوعى تنسى
حاضر ياباشا ....
الحمد لله....... قالها عزت لنفسه
فقد نجحت خطته
فعندما وجد كل هذه الدماء الخارجه من غرفة ابراهيم ... لم يجرؤ بالطبع ان يفتح الباب
و هو يعرف انه لا احد يصعد الى السطح غير ابراهيم نفسه ...و احيانا هو وكريمه
فقفزت فى ذهنه هذه الخطه .... سلك بسيط يقوم بفصله من الطبق الخاص بالمستشار رائف
و بالطبع سيطلب منه هو ان يحضر الفنى
و عندما يصعد الى السطح نهارا ... سوف يتكفل هو بالباقى
ويقوم بمعرفة سر هذه الدماء
***********************************
مالك يابت فيه ايه
قالها مصطفى لكريمه عندما دخل شقته ..ليجدها تنتفض مسروعه من على كرسيها فى المطبخ على صوت الباب
اصلى اتخضيت يابيه
!!! ليه يابت ... شفتى عفريت
بم الله الرحمن الرحيم
بسم الله الرحمن الرحيم
و النبى يابيه بلاش السيره دية ....انا مش ناقصه
نظر اليها فى شك ..... لا يعرف لماذا احس ان هناك شئ مريب و رائها
!!!!!!! الاشباء المريبه كثرت هذه الايام
ستك جوه
ايوه ياسيدى
دخل مصطفى الى غرفته ...و هو يفكر ..... هى البت دى مالها هى كمان
... و لم يجد رشا بالغرفه
وقبل ان يتسائل ..كان قد انتبه الى صوت المياه داخل حمام غرفة النوم
انها تستحم اذا
وضع حقيبته ... و رمى نفسه على المقعد من فرط التعب
و احنى رأسه الى الاسفل ليقوم بخلع حزائه
مهمـــله
قالها و هو ينظر الى حقيبة رشا .... الملقاه باهمال على الارض
و اشيائها التى تبعثرت منها
نقودها ....و ادوات التبرج ....و سلسلة المفاتيح

و
تليفونها المحمول
اخذ يلملم الاشياء و يضعها فى الحقيبه
وامسك بالتليفون و هم ان يضعه بالحقيبه
و لفت نظره عباره على شاشة الجهاز ...
1 message received

*****************************
لم يعتاد العبث فى تليفون زوجته ابدا
هو يعرف انها تفعل ذلك فى تليفونه دائما ... و لكن هو لم يفعلها ابدا
فهو يثق فى نفسه .... كما يثق فى زوجته
زوجته التى يحبها .... و تحبه ..... من قبل زواجهما باعوام

....و لكن مؤخرا لا يعرف ماذا حدث لهما
فى اخر سنه ...احس ان هناك فتور فى العلاقه
فتور غير ملموس بالمره ...و لكن محسوس
لم يتغير شئ فى حياتهم ....و لكن هو يعرف انها تشعر بالمثل
و قد ارجع هذا انه صار على زواجهم اربع سنوات ..بدون اطفال

و حتى هو قرر من جانبه ... ان يقيم هذه الحفله الضخمه لعيد ميلادها هذه السنه
لعلها ترتاح نفسيا و تنفض عنها هذا التوتر
فكر فى هذا كله فى جزء من الثانيه و هو يمسك بتليفونها المحمول
و فى الجزء الثانى من الثانيه قرر
سوف اقرأهذه الرساله
لا يعرف لماذا و لكنه قرر
و نفذ
وفتح الرساله
و قرأها

****************************
الى اللقاء فى الجزء الرابع و الاخير
مرآه الحمام
Shower Mirror

34 comments:

Noony said...

يا مسهل يا رب

أنا لسة مستنية

كل الموهبة دي من قراءة أدهم صبري؟

سلامات
نوني

The Groom said...


يا سيدي يا سيدي

لا وكمان الجزأ الأخير اسمه مراية الحمام

ياعيني ياعيني

لكن في حاجة

اوعى يكون اللي في بالي

يكون مصطفي في الاخر قتل عشيق مراته في اوضة الحفار

اوعى يكون الحفار هو عشيقها

يا ساتر يا رب

او يقتل عزت:(

ربنا يستر

تحياتي لك من ماناساس البلد

~ Bato0ot ~ said...

7araaaaaaaaaaaaaaaaaaaaaaaam
emta tyb el goz2 el rabe3 da?

Rivendell** said...

يييييييييه

ودا وقت اعلاناات دا


انا مستنيييية

Bride To Be said...

موهبة جميلة جدا.. أنا كنت بحب قصص الجرايم لانها تخلي الواحد يفكر في اللي حيصير بعد شوية..
ما تتاخرش المرة دي بقى اصل الفاصل المرة اللي فاتت كان طويل اوي :)

Dalia said...

جميل اوى الجزء ده
بس انت كل مره هتسيبنا كده

طيب هو فاضي فيها كتير؟؟

يعقــــوب .... said...

يا مسهل....انجز عشان عاوز الحق الجزء الرابع قبل ما اطلع مهمة شغل و مش هاعرف اخد معايا الكومبييوترو لا ادخل اون لاين

منالها صعب said...

يا عم شاور هو لازم القصص بتاعتك يكون فيها بوس و تحسيس على طول كده..هو الفيلم ده قصة و لا مناظر...طب متكتب في الاول تصنيف القصة ..يعني من سن كام لكام...ولا تنويه عشان البنوتات متتحرجش و تتكسف

smraa alnil said...

حسبي الله

انت يا عمنا انت
شكلي كدة هفجر نفسي في مدونتك واخلي عزيز يجي يبهدلك
ما تخلصنا من الاجزاء دي بقي

ايه رايك بقي اني لابدة علي باب المدونة
لحد ما تخلص الجزء الاخير ويا انا يانت

Shower-Mirror said...

الاخت العزيزه منالها صعب ...

اعتقد ان اسلوبك فى الكلام غير لائق ...

هذا اولا

ثانيا البوس و التحسيس دى حاجه انا مش مخترعها دى حاجه موجوده فى الدنيا و انت ست العارفين


ثالثا دى مش قصه للاطفال عشان اشيل منها الحاجات دى

رابعا انا مش محتاج اكتب تنويهات لحد علشان اللى بييجوا هنا كلهم ناس ناضجين و فاهمين كويس ايه اللى بيتكتب و بيعلقوا على المهم فقط و مابيمسكوش فى الحاجات دى
لانهم ناس ناضجين و طبيعيين مش مرضى

باعتزر ليكى و لكل بنت بتتكسف من الحقيقه و لكن طالما هذه قصتى يبقى انا هاكتب الحقيقه بس لانى مش باعرف اضحك على روحى و ماقدرش اوطى و ادفن راسى فى الرمله

البلوج ده اسمه مراه الحمام يعنى و زى ماقلت فى تعريفه انه المكان الوحيد اللى مش بنضحك فيه على روحنا

انتى شرفتينى و مستعد ارد على اى انتقادات اخرى ....

و باعتزر اذا كانوا الكلمتين البساط اللى فى القصه دول اثاروا خيالك ....

ماكنتش اعرف ان فيه بنات ماتعرفش ان فيه حاجه اسمها بوس

ملحوظه :

اللى تهون عليه نفسه و يكدب عليها ماحدش هايرحمه .

تحياتى

emos said...

awalan el song elly enta 7atetha deh sara3etny
gebtely el sakta el albeyya men abl makamel el kessa
saneyan
heyya el kessa deh men ta2lefak walla enta gayebha men 7etta walla eh?
salesan
balash ya 3am el wasf el dakeek dah la7san fe atfal
rabe3an
eh el zol dah
kamel ba2a
7'amesa el goz2 el 2a7'eer yenzel tom. w ella ha7ot el see7' el ma7my fe sarsoor wednak

narfeztonyyyyyyyyyyyyy

emos said...

ahh 7aga kaman

elly mat dah yeb2a el 7afar 3ashan howa 3eref ser 7'ateer

w sa7eb el ser dah ba2a makansh 3ayez 7ad ye3raf el ser fara7 mefataso

meen sa7eb el ser dah ba2aaaaaaa?

Esmeralda said...

و الله بجد جامده
انت عارف انى رخمه و لو وحشه حاقول و أأر والله يا بيه من غير ضرب
لطيفه اوى كريمه ديه
البت ديه هابله و لا منظرها اللى كده
ايه الملزق فى الحر ده يا خويا احنا ناقصين
خلى بالك مرايه الحمام بعد الدش بتبقى مغبره
ألاااااااااااااا القصه اللى جايه حاتبقى معجون حلاقه على كده
خيخيخيخيخخخخخخخخ
بص يا كبير البلوج بلوجك و انت حر فيه و اللى مش عاجبه مش يعمل كليك عليه
أريش؟؟؟؟
ابتسامه رقيقه مشجعه بلاش :)خيخيخيخخخخخخخ

smraa alnil said...

شاور


انا سمعت ان في خناقة
وجاية اشارك

دة انا امسك الحنفية وابهدل اللي مزعلك

لا يعصبك ولا ينرفزك

اجي اتخانق ولا ايه يا ريس

دة في الخناقات اوعي وشك مش اعرف ابويا

تخاريف said...

حلوة يا ابيه...
وياريت تكمل بسرعه

بس انت مالكش حق..
ويارب ماتزعل لو فهمتنى..
:)

shermen said...

تلزيق ودم الموضوع كبر اوي
ربنا يستر
أنا بدأت أخاف
بالذات بقى مع ال
music back ground
قصة جامده
موووووووووت

Shower-Mirror said...

noony :

ربنا يخليكى لا موهبه و لا حاجه

بس ده من القرايه عموما مش من ادهم بس

the groom :

و الله انا نفسى يقتل عزت و نرتاح من السمنه اللى بتنقط منه

بس هانشوف

batoot :

el sabr ya batoota a7'od nafasy bas :)


rivendell :
لازم الاعلانات طبعا ...امال هاصرف عليكوا من جيبى

هههههههه



bride to be :

اوعدك مش هاتأخر ...بس انتى ابقى تعالى

داليا :

انشاء الله الجزء اللى جاى اخر جزء


يعقوب :

حاضر ...حاضر و الله لاكتبه بسرعه عشان خاطرك ياباشا

و تروح و تيجى بالسلامه

:)


خضراء النيل :

طب كويس اديكى منورانى ..مش هاكتب بقى طالما هاتلبدى هنا


ايموس :

القصه طبعا بتاعتى و الله انا اللى مألفها ...بس بتسألى ليه انتى بتشكى انى حرامى و الا ايه

و بعدين انا مش هارد تانى على موضوع البوس و كده انا قلت اللى فيه الكفايه

بطلى نصاحه و اصبرى لما القصه تخلص ..


ازميرالدا :

انت اللى فاهمنى ياجميل

ربنا يخليكى يا رافعه معنوياتى دايما

كريمه طبعا هبله ..زيها زى اى واحده تسلم نفسها لواحد ملزق كده

الحكايه مش حكاية ان البلوج بتاعى و انا حر فيه و بس ...بس بجد انا مش حاسس انى زودتها اوى يعنى

كل اللى قلته انه حاول يبوسها فالحلق وقع ...!!

مش خلاص بقى الكلمتين دول هايعلموكوا قلة الادب

خخخخخخخخخخخخخخ

الضحكه بتاعتك اللى اتعودت عليها الله يسامحك

:)
ربنا مايحرمنى من دخلتك عليا يا اختششى


حمراء النيل تانى :

مانتى اتفقستى بقى فى البوست الاخير بتاعك و كويس انى ماتخاقتش و اعتمدت عليكى

ياندله

:)

تخاريف :

لا مش فاهمك و ضحى شويه ...

و اكنبى شويه ..انتى كسلانه و الا ايه

:)

shermeen :

تخافى من ايه ..زدى حتى قصه رومانسيه

ربنا يخليكى ليا يام مخ كبير

safa7_karmooz said...

هههههههههه

على فكرة الميوزك اللى انت حاططها ماشبة مع القصة بجد

Iron Cobra said...

مستمت عبمتابعة القصة و مدونتك عموماً ، لي فقط تعليقين بسيطين :

أولاً :
بالنسبة للمعلقة منالها صعب أنا شايف طبعاً ان تعليقها في غير محلة ، وأن مافيش أي حاجة خارجة في سياق القصة و دة جزء من السياق الطبيعي فيها و في حاجات ألعن من كدة مليون مرة بتتقال في قصص الكتاب المحترفين المنشورة و متاحة للبيع في كل مكان و في الأفلام و المسلسلات ....ألخز
و أذا كان على العيال الصغيرة فهم عارفين بلاوي و في سن أصغر حتى من أننا نتخيلها و أذا كان على المجتمع المصري الحقيقي فاللي بيحصل فية من مهازل و بلاوي مليون ضعف اللي السينما أو الكتاب بيعبروا عنة لكن أحنا غاويين أن أحنا نكنس كل حاجة تحت السجادة و نتظاهر أن كل حاجة طبيعية و أن أحنا مجتمع الفضيلة و الشرف و مش مهم يا باشا الحقيقة أية مادام كلة على الوش و قدام الناس نضيف و بيلمع و بيبرق.


لكن


ألا تتفق معي أن رد فعلك على صعبة المنال كان مبالغ فية شوية ، لا أعني أنك تجاوزت حدود الأدب أو اللياقة أو أي حاجة وحشة لا سمح اللة و لكن رد الفعل لم يتناسب مع الفعل (في رأيي على الأقل) و رغم أتفاقي معك أنة لا يوجد شئ خارج عن المألوف في القصة و أنة بلوجك و أنت حر فية و أنها مش من حقها تدس مناخيرها ، كان من الأفضل في راي لو كنت أديتها ال Silance treatment .


الحاجة التانية :
ودي فقط لأن عرق العالم ببواطن الأمور نقح عليا .
Shower Mirror لاحظت أن معظم زوار البلوج بيسموها مرآة الحمام .
أححممم في الواقع هي مش مرآة الحمام هي مراية بتتعلق جوة الدش نفسة مع ال Caddy في ماسور ال shower head عشان الرجالة اللي بتفضل تحلق و هي في الدش أو تعمل Face exfoaliating ، أيضاً يوجد Shower Radio للناس الي بتحب تسمع الراديو الصبح قبل ما تروح شغلها و ماعندهاش وقت.
;-)

تخاريف said...

بص يا ابيه..
انا بس مش عايزة اشوهلك المدونه او الكومنتات ع البوست هنا..بمناقشه تعبانه

هو بس انا كان كل اللى قصدى ان الحوار بتاع كريمه والمشهد مثار الجدال.. والقصه دى..يعنى زياده شويه فعلا..
وماتزعلش منى..
:)


بص يا ابيه..المشهد يعنى تضمن وصف يعنى زياده شويه..
ممممم
ممكن تكون انت شايفه فى سياق الكلام..
وانه مهم عشان القصه وكده
لكن بصراحه انا مش شايفاه كده
يعنى ممكن كانت تفاصيله تقل شويه..
وبعدين هو ممكن يكون مشهد محورى فى القصه عشان اكتشفوا الدم وكده
بس تفاصيله يا ابيه مش محوريه..

:)

ده رأيي ..
وبس

شفت بقى انا مش بخيله ازاى
كل المسأله والله انى ماكنتش عايزة اشوه البوست والمدونه زى ما قلتلك بحوارات
وكلام بقى ناس تقعد تجيبه من الشرق ومن الغرب..
وف الاخر اللى فى الدماغ فى الدماغ..

ولك منى كل التحيه اي ابيهى العزيز...
:)

وخلص بقى ونزل الجزء الاخير
:)

Shower-Mirror said...

سفاح كرموز :

يارب بس الموسيقى تكون عجبتك

:) و نورتنى ياباشا



Iron Cobra :

ميرسى اوى على كلامك الجميل و الى بيدل انك انسان و اقعى زى حالاتى و مش بتاع الكلام الجاهز و كلاشيهات الاذدواجيه المصريه المعروفه

الكلام اللى انت قلته بالظبط هو ده وجهة نظرى بالظبط و مش هازيد عليه حرف و احد .


بالنسبه لرد فعلى ...بعد التفكير ... انت معاك حق هو كان مبالغ فيه شويه ...بس لو رجعت لتعليق الاخت المعترضه ..هاتلاقى بجد اسلوبها مستفذ و كلامها غير لائق ( قصصك كلها بوس و تحسيس )


انا شايف ان الالفاظ اللى استخدمتها هى اللى محرجه للبنات اللى بتنكسف .


البلوج فعلا اسمه مراية الحمام

shower mirror

بس انا اخترت صورة

shower head اللى بتبقى جنب المرايه

علشان مرايته مكبره و بتبين التفاصيل اكثر .

مبسوط اوى بزيارتك و كلامك الموزون ارجو ان رجلك تاخد على هنا .


شيماء العزيزه :

ميرسى لتعليقك و اهتمامك

بس ايه هو اللى زياده شويه ياجماعه؟

و ايه هو المشهد اللى كان لازم يتخفف ؟

انه حاول يبوسها و هى قاومته فاالحلق و قع .؟ !!!! ده كلام و النبى يثير اى حد او يخدش حياء اى حد .

اسمحيلى انا اشك انكم من هواة القراءه !!!!!

انتوا ماقريتوش كتابات احسان عبد القدوس والا ايه .... ؟

نجيب محفوظ ماشفتيلوش كتاب صدفه ... ؟

قريتى النداهه ليوسف ادريس ... ؟

قريتى عمارة يعقوبيان لعلاء الاسوانى؟ ... و غيرهم و غيرهم ؟

اسألى كل بنات مصر عن حاجه اسمها روايات عبير .....

مابتتفرجوش على افلام اومسلسلات ...؟

هو لازم اكون محترف و تدفعولى فلوس عشان تتقبلوا الكلمتين دول .... ؟

بلاش القرايه ..و الافلام و القصص

انتوا مش عايشين فى الدنيا ؟؟؟؟؟؟؟؟؟؟؟؟؟؟؟

بلاش الدنيا

مش عايشين فى مصر ........؟؟؟؟

و الا البنات فى مصر ماتعرفش ان فى حاجه اسمها بوس ؟


تحياتى ياشيمو ... و مبسوط قوى بجد انك بتنقدى كلامى

و اهلا باى حد ينتقد بس المهم يكمل كلامه و يرد مش يختفى

:)

شجره الدر said...

مش ممكن عاجبانى جدا جدا جدا جدا
لغايه البوست الجاى
ها ايه اللى هيحصل بعدين
؟؟؟؟؟؟؟؟؟
موهبه جامده
اسلوب مستفز بجد لان الواحد عايز يعرف ايه اللى فاضل
ايه اللى فاضل بقى والنبى بسرعه اوكى

قطر الندي said...

انا اعتقد ان مرات مصطفي قتلت الحفار علشان هو عرف عنها حاجات مش اللي هيه صح ؟؟
ياريت الرويات اللي بعد كدا تبقي مرعبه و دا طلب جماهيري بحت

emos said...

2esma7ly ba2a 2arod 3ala seyatak fa7'amtak 3azamtak ya 7ag shower

enta kateb el kessa deh lelnas elly bete2ra bs walla 2ay 7ad momken ye2raha?

ana kol el kesas elly ana 2aretha be7okm derasty mafesh kessa fehom mafhash 2elet 2adab w mesh 2ay 2elet adab ya3ny deh 2elet el 2adab b kol anwa3ha

ana 2aslan darast el kesas wel nakd beta3 el kesas

men 7a2 2ay 7ad fel donia enno yekteb kessa mesh lazem yekoon mo7taref ya3ny

w men 7a2 2ay 7ad enno ye2raha mesh lazem yekoon faylasoof

w men 7a2 2ay 7ad enno ye2ool ra2yo besara7a w yantaked zay mahowa 3ayez

wel mafrood 3aleek ennak tatakabal el 2entekadat elly hatgelak ka kateb 3ando ro7 reyadeyya

w men 7a2 el nokkad ennak terod 3alehom w tekbeshom bs mesh bel2esloob beta3
ana 7or w 2akteb elly ana 3ayzo welly mesh 3agbo maye2rash
walla ento tela2eko mesh mosakafeen w mabte2roosh 3ashan keda kesety mesh 3agbako

hadeek mesal

el 7ag shakespeare (yalla ya 3am bakaren benak w been shakespeare aho)
lamma kan bey2adem sha7'seyya low class kan bey7'aleha tetkalem b alfaz fe montaha el aba7a (sorry fel lafz)
w yoom lamma naked fata7 bo22o
2allo ana ba2adem el sha7'seyya kama heyya mawgoda fel 7ayah 3ashan teb2a el kessa wake3eyya mesh ma32ool el ragel hayetkalem b tare2a class w howa metrabby fel 7awary.

mara7sh 2alohom ento mabtefhamosh
ba3d keda ba2a lamma shakespeare geh yekteb 7aga zay keda tany ma7adesh men el nokkad 2eder yefta7 bo22o la2en shakespeare leeh weghet nazar sa7e7a w sakahom b roo7 reyadeyya

2esma7ly ba2a 2adafe3 3annak

ana mesh mo3tareda 3ala 7etet enno mesek rasha w basha
bel3aks deh 7etta mohemma geddaaaaaaaaaaan
la2en el 7etta deh elly 2adet lel climax beta3et el kessa ( elly heyya wogood 2ateel dammo saye7 w we2e3 feh el 7ala2 beta3 el bent)

el 7etta deh mayenfa3sh tetle3'y w law 2etshalet el kessa mesh hatemshy.

ana 2e3tarady 3ala 7aga tanya bs mesh ha2olha 3ashan matetdaye2sh

el 7aga el tanya ba2a
enta betkaren nafsak b ba2eet el kottab leh?
enta kateb ma3 nafsak w leek 2eslobak w kesetak feha keda
el sofda heyya elly 7'eltha shabah kesas tanya fe ba3d el 7agat keda manzarak bet2aled

w enta kateb 3azeem w leek dema3'ak mabet2aledsh 7ad

wel nas elly mo3taredeen 3ala el kessa beta3tak haykamelo 2erayetha 3ashan heyya 3agbahom be3'ad el nazar 3an el 7etta elly mesh 3agbahom

w enta el mafrood te7terem enohom beye2ro el kessa beta3tak

ma3lesh tawelt 3alek asloko
narfeztonyyyyyyyyyyyyy

سكينة said...

مزيكا مرعبة ثاني
!!!
عموما أنا قافلة الصوت من مبارح
:)
عجبني وصفك للشخصية الملزقة فعلا كلمة رائعة لوصف شخص رخم وغلس
:)
ومتعصب ليه من التعليق
أكيد من شدة الأعصاب وانتظار النهاية لكن دي الخيوط كلها في يدك يا عم ولو طلعت الرسالة من القاتل المأجور اللي جابته الست رشا أنا هزعل منك
:(
فكرتني أيام ما الواحد كان فيه صحة يقرأ أجاثا كريستي في السرير قبل النوم
:)
ايييييييه أيام ألا ليت الشباب يعود يوما

REEMOO said...

اول مره ازورك
مدونتك لطيفه
التعليق ده اجمالى كده
ليا زياره تانيه وتعليق تفصيلى
تحياتى

Esmeralda said...

انا عايزه اعلق على الجدال اللى على الحته بتاعه الشغاله و الملزق
اصلا اصلا شاور موصفش اللى حصل بالتفصيل
يعنى لو كان قال انهم دخلوا الاوضه و قفلوا الباب و بس
مكانش الخيال حيشتغل؟؟؟؟ و تصور اللى بيحصل؟؟؟
يعنى لا وصف شعور البت و احساسها و لا احساس الملزق
انا مش بحب الاباحيه فى الكلام برضه , ممكن اقبل وصف لحدث ما زى ده بس المهم الطريقه اللى يتقال بيها و الكلام اللى يتقال بيه , سهل اوى يتقال كلام خارج لوصف الحدث ده

معلش يا شاور بس انت كمان رد فعلك جامد حبتين

متبقاش حمقى اوى كده يا اخى

Esmeralda said...

و الله يا شاور
طلب خاص

خللى الفيلم الجاى فى بلكون

عمارة يعقوبيان

خيخيخيخيخخ
;)

bastokka طهقانة said...

انا فرحانة في عزت اللزج لانه شاف الليلة الحمرا بعنيه
و افتكر كده قطع الخلف
احسن برضه مش ناقصين ملزقين
اوروفوار

تخاريف said...

ماانا قلتلك يا ابيه مش عايزة ابوظ الليله هنا...
:)

انا بقولك عن نفسي
اهو
انا قريت روايه واحده بس لاحسان عبد القدوس ماعجبنيش فبيها الصراحه غير عنوانها...اللى كان فعلا احلى ما فيها"رائحه الورد وانوف لا تشم..

اما بقى عن عبير فالحمد لله قريت واحده بس منها برضه كان اسمها"ابن الخاله"
من يحجي تمن سنين
كده

بص يا ابيه..براحتك...

بس انا الصراحه لازلت عند رأيي
:)

وخلص بقى ونزل الجزء الاخير
.................
مش معقول كده
:)

Sampateek said...

الدم ده بتاع الوزة اللي دبحها ابراهبم علشان يتعشى و حطها على البابور علشان يسلقها قوم اية
البابور ملى الاوضة غاز ثاني اكسيد الكربون و ابراهيم اتخنق و خنقنا معاه

و عزت و هو بيصلح الدش حيقع من فوق تتقطم رقبته
و مصطفي حيلاقي مراته متجوزة عليه عرفي فحيضربها بالنار و يموت نفسه
فاضل البت كريمة
مش حتلاقي شغلانة تعملها و حتنحرف و تشتغل رقاصة
و بكدة اكون خلصت القصة و الحمد لله
و ريحت الاخ مراية من التعب
اي خدمة

صوت فيروز said...

ميرور,,,,ميرور انت هنا خد بيدي يا ابني
معلش يا سيدي انك بتعبك و بخليك تيجي عندي عشان تجبني بس و الله الخشونه تعباني اوي
ما علينا
اسلوبك جميل عجبني اوي كلمة اللزج دي
سعات في ناس تشفهم تحس بنفس احساسك لو جت دهنه تحت ضرسك و انت بتاكل ,,, يييييييييييع
رغم اني اكلت من المسمط هههههه
بس فعلا مقرفين عجبني اسلوبك جد و كنت متخيله كل حاجه
و كونك و صلت انك تخلي و لو قارء واحد يشعر انه بيشوف فيلم فانت كده وصلت اوي
حاجه اخيره بلاش الجشع بتاع الناس ده و
بطل اعلانات
اللهم صلي علي محمد

يعقــــوب .... said...

يا عمي فات الخميس و الجمعة و السبت و ادي النهاردة الحد و لا في أي جديد...و بس عمال تقول عيوني و مش عارف ايه و عشلن حاطرك...و لا في اي جديد..أمال لو مكنتش قلت عشان خاطرك كنت هتعمل ايه

نورا said...

الصراحة القصة ممتازة ومشوقة جدا
بس صعب عليا مصطفى كان بلغ عنها وخلاص مكنش لزم يقتلها
بس تفاصليك ممتازة فعلا