Monday, September 18, 2006

المستحمه ....

لم استطع ان امنع نفسى من النظر اليها ... اخذنى منظرها و هى مغموره بالصابون ...!! يداعب جسدها بالكامل ... ينساب برقه عليها .... يتلاعب باكسسوارتها بنعومه ... يأخذ معه كل شوائب الايام الماضيه ...انها تتحرر ..تفوق ... تتجدد ...مع احتكاك الصابون بها ... ثم يغمرها الماء ...ليبدأ لمعانها فى الظهور ...ابتسمت لجمالها و كأنها تولد من جديد ....اشعر و أنا اراقبها ..بنشوه النظافه و كأنى معها ...ينساب الماء ..و ينساب ...ليكشف عن جمالها الاخاذ ..و هى تتألق ..و ............(كده كله تمام يابيه !! أى أوامر تانيه) ....... أفاقنى عامل محطة البنزين من شرودى و هو يعلن انتهائه من غسيل سيارتى

18 comments:

أم أحمد said...

انا في الاول قلت ايه قلة الادب دي بس بعدين اكتشفت اللي فيها لأ ملعوبة وحلوة وربنا يخليهالك علي فكرة انا جوزي برضه بيحب يحمي عربيته كدة وبيبقي فخور وهو راكبها مستحمية

أحمــــــــدبــــــــــلال said...

بصراحة أنا كمان قلت أنت البلوج أحلو أهوه و بقى بيجيب القمر الاوروبى
و خلاص طالعة من المياه و ببص لقيتها عربية

ليه كده ياعم كنت سيبنا لخيالنا المريض أحسن

بس بجد ملعوبة

...دنيتي said...

hahahahahahahahahaha:)
بصراحة انا كنت لغاية نص البوست مش ناوية اعلق:)
انا من خلوصي;)
انت منين من شبرا؟

وكل سنة وانت طيب و رمضان كريم

أم أحمد said...

مبروك وصول عمر يابو عمر ويتربي في عزك يارب
جه في ايام جميلة
وكل سنة وأنت طيب
أم أحمد

Amira Hassan said...

انا ليا واحد صاحبي بيعشق القصه دي ...بس انا بحب ابراهيم اصلان في المطلق

Shower-Mirror said...

سحر
انا كمان كنت حاسس انى انا اللى استجميت :) سلميلى على عمر و احمد :)

احمد بلال

كان لازم تفوق يابو حميد ..مش عيب تبص على العربيه و هى بتتليف :)

دنيتى

وانتى طيبه ...و انا من اغاخان

اميره حسن

القصه دى بتاعتى و انا فكرت فيها فعلا و انا باغسل عربيتى !!!!

انا كمان باموت فى ابراهيم اصلان و باقرا مالك الحزين - اشهر كتبه - كل سنه مرتين :)

الأميره أوسه said...

ربنا يهدك
يعنى مش عارف تكمل الحلم
أنا قولت بتتفرج على هيفا وهبى وهيه بتستحمى
كل أحلامك شاور كده
كل سنه وأنت طيب

LAMIA MAHMOUD said...

يا نهاااااااااااااار اشتغالات
انا ايتغربت وقلت وفرحان انه بيقول كده وعلى الملا ومين الحلوة دي وازاي .. وبعدين قلت بلاش تعقيد دي حرية شخصية المهم الاسلوب حلو خلينا نكمل وبلاش اعتداءات على حرية الغير
بس فعلا اتبعت
ملعوبة
جميلة بجد
حالة عشق سياري لا منتهي
ههههههههههههههه

gwad said...

سؤال انت كنت بتحميها فين لو فى بنزينا يبقى فعل فاضح فى الطريق العام
طبعا كان فية اكتر من اربع شهود
وتستوجب انت والعربية سنتين مع الشغل والنفاذ
تحياتى

We2am said...

eh el b3ta el gamda deh ya m3alem?!
elra7ma mesh keda..ana 2olt enak bt7eb el maya wel shower bas mesh keda!!..yalla ahe 3adet..bas bgad..ana safert feha..good jop!

محمد البرلسى said...

سخنتنه على الفاضىيا عم بس تهيسه حلوه
بااااااى يا مان

كلبوزة لكن سمباتيك said...

ههههههههههههه
بوست زي السكر
بتغسلها فين؟
اوعى تغسلها في بنزينة عباس العقاد دول حرامية غسلولي العربية و شحموها و غسل ردرياتير بي 80 جنية
--
كل حماية و انت طيب

Mongey said...

هاااهاا
حلوة اوي الحركة
بصراحة ترب جامد
مكتوب بطريقة حلوة

أحمــــــــدبــــــــــلال said...

تحياتى الجميلة
دعوة خاصة جداً لحفلة عيد ميلادى على البلوج عندى
يوم
5أكتوبر


ماتتأخريش

i love you said...

يا سلااااااااااااااااام
عليك
بوست
جميل

Anonymous said...

لأ حلوة أنا برضة باحب ريحة العربية وهي لسة مستحمية برة و جوة و خصوصا أني باحميها بنفسي و بتاخد مني بتاع 5 ساعات كدة و بيكون وسطي أتقطم علبال ماخلصها بس تستاهل التعب .

Adel said...

يا راجل ؟؟؟؟؟

shermen said...

هههههههههههههه
حلوه اوي