Sunday, June 03, 2007

هذا الرجل

لا اعرف لماذا تسمرت فى مكانى عندما شاهدت هذا المنظر

لا اتذكر ما هى المناسبه

و لكن العائله بالكامل كانت مجتمعه فى منزل جدتى رحمها الله
:
و فى وسط الصخب الصادر من حديث الناس و صوت التليفزيون و صوت الشارع

كنت احمل فى يدى كوب من الشاى التقطته بصعوبه وسط هذه الحرب

و قررت ان اهرب الى حجرة الصالون

فوجدته هناك و تسمرت فى مكانى

و لم ادخل الى الغرفه

و لم اصدق عيناى

كان جالسا فى الصالون ... و ابنى يجلس على احدى قدميه

كان الطفل يضحك بجنون ... و الرجل يلعب معه

يلعب معه بحب شديد ...حب صافى خالص


يلعب معه و هو يضع على رأسه .....


طــرطــور

نعم طرطور خاص بالاطفال لزوم الحفله


قلت لنفسى و انا لا اصدق

يا الله .........اهذا هو ؟

اهذا هو الرجل الجبار الذى اعرفه ؟
!!!!!لكم تغير

اهذا هو ؟

الذى كان يتحدث معنا بحساب ...و يضحك بحساب !!؟
الذى كانت و مازالت الناس تحترمه و تهابه من اول مره تراه
الذى كانت العائله و حتى الجيران ...يحسبون له الف حساب
الذى كان يضرب اكثر مما يتكلم
!!!!!


تفرست فى ملامحه مره اخرى ..و انا لا اصدق مااراه

هذه السعاده التى تطل من عينيه

و هذه البراءه التى لا تقل عن براءة االطفال من حوله


*******
ثم دخلت ابنة اختى

الطفله الرقيقه ذات العامين

*

لنزيد دهشتى مما اراه ... و يتحول الرجل الى مهرج حقيقى

يلاعبهم و يلاعبونه .....و الجميع فى سعاده


:::::::

طوال عمرى مقتنع ان هذه الجديه الشديده ورائها اطيب و احن قلب

وكل هذه القسوه طوال السنوات الماضيه ...كانت من دافع الحب و القلق

لم يقصر فى حقنا ...لم يرفض لنا طلبا ... لم يدخر جهد لاسعادنا

كان بالفعل عطوفا حنونا و لكن بطريقته

طريقته التى للأسف لم افهمها فى وقتها

وفهمتها الان
الان


و هو يلبس الطرطور .... و يلاعب اولادنا

ولأول مره اقولها

و عيناى تدمع

اقولها فى سرى ..و لا اجرؤ ان اصرحها له

احبك يا أبـى

أحـبك

23 comments:

emos said...

gamil awy ya shower

ana el mawkef dah bashofo keteer 3andena fe 3eltna kolaha

yeb2a el ragel 3akeed w 3ameed w marakez w 7agat keda motawa7esha w yegy 3and 2a7fado w yeb2a beyharag w beyegry w teb2a wa2ef mesh mesada2 en el bane2adam dah yetla3 menno keda

rabena ye7'alelna abahatna w yer7amna w yer7amhom ya rab

يعقــــوب .... said...

مش محتاجة تعليق

الله عليك وعلى كلامك

تخاريف خاصه! said...

:)))))))))))))

ربنا يخليك والدك يارب ...بجد من اجمل البوستس اللى قريتها..
:)))))))))))
خلتنى اخد بالى من حاجه مهمه اوى..

bastokka طهقانة said...

بابايا كده برضه كانك بتتكلم عنه

ربنا يخليهم لنا و يبارك فيهم

اوروفوار

Jana said...

(كان عطوفاوحنونا لكن بطريقته)
جملة حلوة قوى يا ريت كل الناس تفهمها
فعلا بيحبونا قوى بس كل واحد بطريقته الخاصة
يعنى مثلا بنت صغيرة تمسك حاجة سخنة قوى
ممكن باباها يجرى عليها ياخدها فى حضنه ويقولها معلش
وممكن يجرى ويضربها علقة سخنة عشان متعملش كده تانى
وممكن يقرب ايدها من الحاجة السخنة تانى ويحاول يلسعها بجد عشان تحرم تفكر حتى فى الموضوع تانى
وممكن يعيط على عياطها ويجيب لها شيكولاتة واى حاجة تنسيها الموقف المؤلم ده
فى النهاية منقدرش نقول غير انهم كلهم بيحبوها....قوى
ربنا يحفظلك والدك ويديله الصحة
بس لو سمحت!!!!
جرب مرة تقوله انك بتحبه زى ما قلتهالنا احنا
متسمحش لخجلك يغلبك
صدقنى مش حتندم
اسفة على التدخل فى شىء خاص ولكن .... صدقنى وخلاص لأنك قد تندم اذا لم تفعل

Bride Zone said...

فعلا بوست جميل بمعانيه واسلوب صياغته..

بابا كمان كده صارم وكان بيضربنا لما نغلط.. وما كنتش اتوقع انه ممكن يكون حنون ورقيق من جواه غير لما شفت ده بعيني في موقف..
كنت عاملة تحاليل دم في المستشفى وكانت حاجات مهمة اوي وخايفين تطلع بنتيجة ايجابية.. أنا بقى كنت حاطة في بطني بطيخة صيفي.. الموعد مع الدكتور بعد اسبوعين يبقى النتيجة ناخذدها منه بعد اسبوعين..
رحت الموعد والحمدلله الدكتور طمني ورحت قايلة لبابا ان النتيجة الحمدلله كويسة وكل حاجة سليمة..
ابتسم وقال انا عارف.. بصيت فيه باستغراب وتعرف منين؟
يقول يوه من زمان انا رحت وطلعت نتايجك واخذتها لدكتور صاحبي يوم الجمعة وقت الصلاة اتواعدت معاه ووريتهولو عشان اطمن.. ده انا ما كنتش قادر انام من القلق كنتي عاوزاني استنى اسبوعين؟


الموقف ده بقى له يمكن سبع او ثمان سنين ولسه محفور بذاكرتي لانه غير نظرتي لبابا اوي.. وصرت بعشقه اكتر من قبل..

ربنا يحفظ لنا ابائنا وامهاتنا يارب..

Anonymous said...

البوست تحفه وخلانى بكيت لانى بحب والدى جدا .
ربنا يخليلك والدك وولدتك لاانهم اغلى شئ فى الدنيا .
ممكن تعوض الزوجه والولد لكن مش ممكن نعوض الاب والام .
ربنا يخليهم لنا .
نفسى اقولك انا مين بس هسيبك انت تخمن.
سلام حتى بوست اخر.

NeRmeeN said...

ياااه كل السنين دى وماكنتش تعرف انو حنين....ربنا يخليكوا ببعض:)

وانت بقى لازم مع عيالك تحسسهم بحنيتك من الاول خالص :) تحياتى ليك وعلى كلامك المؤثر ده

Reemo said...

بجد المشاعر اللى من النوع ده بحترمها وبحبها جدا
بتحرك فيا احاسيس رائعه
احييك على الجمال والاحساس الرائع اللى طلع بيه البوست ده
ربنا يخليكو لبعض ومش يحرمك منه أبدا
تحياتى واحترامى

Eric Matt said...


قوله انك بتحبه قبل وفاته

ربنا يديله طولة العمر ويحميه ويخليه ليك دايما يا رب

تحياتي لك من ماناساس البلد

Noony said...

الأباء...أحد أسرار الحياة

بابا كان دايماً يزعل مني لما كنت أطلب طلب، أطلبه من ماما مش منه..كنت بخاف من بابا أوي...كنت بعيدة أوي عن بابا لظروف سفره وشغله...بس لما شفته بيلعب مع أولاد أخواتي، افتكرت صوري وأنا صغيرة وبابا بيلعب معايا أنا وأخواتي، عرفت أنه بيحبنا بس "بطريقته"...واحنا-أو بمعنى أصح أنا- نسيت حبه لينا وافتكرت بس انه مصدر السلطة والأمر والنهي في البيت (مع إن بابا كان أطيب واحد في الدنيا--مش كدة خالص)...مكنتش مدياله فرصة أعرف منه ازاي بيوازن بين حبه لينا وخوفه علينا
حاول تتقرب من والدك أكتر وقوله أد اية انت بتحبه وبتحترمه في أقرب فرصة وكلما أمكن

على فكرة أنا بقالي كم يوم أدخل أقرأ البوست وأقول أعلق بس مبقدرش، ودلوقتي حاولت استجمع قوتي بس برضه مقدرتش وعيطت...الله يسامحك

ربنا يخليلك والدك ويخليك ليه

نهاد

Dalia said...

بيقولو اعز الولد ولد الولد

ربنا يخليهولك ... قوله انك بتحبه اكيد هتفرق معاه اوى ..

warDaya said...

الحق بسرعه قوله بحبببببببببك من كل قلبك قبل ماتندم زي مانا ماندمت
وانا صغيره كنت بقعد اكتب جوابات حب لبابا واسيبهاله في كل مكان
لما كان بيسافر يوم رجوعه كنت بعلق زينه في كل البيت واعلق لافتات كلها حب لبابا
بعد ماكملت 9 او 10 سنين كده بطلت كل ده
ومن شوية مواقف ابتديت احس اني مش عاوزه ابينله اي حب او اي حاجه
بالعكس كنت ناقمه على شوية حاجات
خلتني اعيش باقي الوقت معاه مش عاوزه ابينله اي حاجه
وباعدين مات وانا في اشد الحاجه ليه
وانا عندي 18 سنه
صدقني لغاية النهارده وانا بحلم بيه انه رجع وبدخل في حضنه واقوله بحبك
ودايما اصحى من النوم وانا غرقانه في دموعي

قوله بحبك قبل ماتندم
زي مانا ماندمت

once upon a time said...

what should i say after what have been said ?? u made me cry ..perfect post they were so far when we were so near and they are so near when we are so far !!!i can see where these feelings,in ur post, came from..am from the same planet .. let it out lets grow up

رينـــــــــــا said...

عارف لما تقرأ حاجة
وطول ما انت بتقرأها على وجهك ابتسامه
دا حصلى فعلا وانا بقرأ البوست بتاعك

انا دايما مقتنعه ان كل وجه قوى صلب
وراه حنيه ورقه متناهيه
ودا انا حسيته اوى بعد كتب كتابى اخويا اكتر واحد فينا شدة وصلابه بكى بكاء شديد فى تلك اللحظه
استغربت جدا ومكنتش متوقعه منه كدا خالص
وفى نفس الوقت اقتنعت تماما
ان الصلابه وراها رقه وطيبه متناهيه

اعز الولد ولد الولد
ربنا يخليه ليهم وليكوا يارب
بجد البسوت عجبنى جدااااااااا لابعد الحدود

كلبوزة لكن سمباتيك said...

كل القسوة و الجدية والدكتاتورية باعة الاب بتنهار قدام
ولد الولد

هو انا شخليلة في ايدكم تلعبوا بيا على كيفكم
جدو يا شاطر يا شطارة تعالى نطير طيارة
فاكر الاغنية دي؟

Esmeralda said...

اكتر حد بيحس بقيمته اللى فقده

استمتع بكل لحظه معاه و مع اى حد

Esmeralda said...

فيناااااااااااااااااااااااااااك؟؟؟؟؟

farfasha said...

هاى انا عامله فكره جديده ياري تقولى رايك فيها وتشاركنى في الفكره
ويااارب تكون اول استفتاحي
تحياتى

Rivendell** said...

ربنا يخليكوا لبعض يارب

وعقبال ما تلعب مع احفادك انت كمان

sosoooo said...

انا بجد افتكرت بابا ربنا يخليهولي ، وبفتكر نظرة الحنان اللي عنيه لما شاف اول حفيد ليه ،، انت عندك حق اجمد اب ليه احن قلب ،، اعز الولد ولد الولد ودي حقيقة معروف من زمان ،، انا نفسي اتجوز واخلف علشان اشوف الفرحة دي والشقاوة دي في عنيه ... بجد بوست هايل...مش محتاج تعليق

3abdo me7tas said...

يااااااااااه
ده اللى بشوفه فعلا دلوقتى مع والدى لما بلاقيه يقعد يلعب ويهزر مع ابن اخويا فعلا بستغرب
فعلا على رأى اللى قال أغز من الولد ولد الولد
ربنا يخلهولك
جزاك الله كل خير

3ala asm masr said...

بيقولوا فعلا ان اعز الولد ولد الولد
ومش عارفه اعلق اقول ايه لانى اصلا عمرى ما نطقت كلمة بابا
لان بابا مات قبل ما اشوفه بس لما قريت البوست بتاعك اتمنيت لو كنت شوفته وعرفته حتى لو كان قاسى معايا
ربنا يخليهولك ويديمه فوق راسك ويديله الصحه
تحياتى