Monday, March 12, 2007

و اخيرا ....هاكتب تانى

و حشتووونى موووت ... و بدون الدخول فى التفاصيل . و ايه اللى اخرك .... و بقالك ميت سنه ماكتبتش ......و الحركات دى .. بكل بساطه هاقولكم انى مشيت !! هجيت ...!! طفشت من البلد .... !! بكل بساطه كده و مع ما تحمله الكلمات البسيطه دى من معاناه رهيبه خلال الثلاث شهور الاخيره .... لأن مجرد انتقالى من مكتب لمكتب فى شغلى كنت بأقعد اسبوع على ما يتعود .. و بابقى قرفان و مش طايق نفسى - اصلى عشرى قوى يا جماعه - فما بالكم بقى بالانتقال بحياتى بالكامل من بلد لبلد تانيه ...!! يعنى تغيير فى الشغل و السكن و البيئه و الجيران ....... ده غير الوحده اللى انا فيها طبعا .... بقالى فى دبى شهر دلوقتى و حاسس انى بقالى 42 سنه .
المهم ماطولش عليكوا و هابقى احكيلكوا تباعا عن اللى انا شفته فى التجربه دى من طقطق لسلاموا عليكوا .. المهم انكوا حشتونى جدا ....
و ياريت حد يفهمنى هى اوسه اختفت ليه ........؟؟؟

14 comments:

حائر في دنيا الله said...

حمدا لله على السلامة

كلبوزة لكن سمباتيك said...

اهلا اهلا البلوجر كله نور
ربنا يوفقك في شغلك الجديد
و الغربة احساس مؤقت مع الوقت حتطبع
:))
تحياتي

Anonymous said...

التدوين ساعد ناس كتير تقضى على جزء من الاحساس بالغربه....عموما احنا مستنييين منك حكاوى عن دبى

Eric Matt said...

ياااااه ببقى سعيد أوي لما حد شاطر كده يرجع للكتابة تاني

أنا نفسي رجعتلها تاني بعد طول غياب

ربنا يوفقك في الامارات انا على فكرة عشت في العين 17 سنة من عمري

واعرف الامارات كويس اوي و حتة حتة

والله ليها وحشة البلد دي

صباح الخيييييييييير بتوقيت ماناساس البلد - يو اس ايييييييييييييه

سلاااااااام

i love you said...

اهلا
اهلا
اهلاااااااااااا

اخيرا
رجعت
للتدوين

:))))))))

أسوور said...

Shower-Mirror

قريت البوست اللطيف بتاعك
وقريت تعليقك عندى
مش هتصدق قد ايه تعليقك فرق معايا
دة بجد .. بجد فى ناس حاسة انى عملت حاجة للتدوين

ناس ما أعرفهمش خالص .. ناس علاقتى بيهم على شاشات الكمبيوتر

تعرف انا هقولك سر عمرى ما قلته لحد
هقولك أنا ليه عملت اللقاء وفكرتفيه من الأول

ما قدرتش اتحمل أبدا فكرة ان الناس دى تبقى مجرد عالم افتراضى

الناس دى حلوة قوى وتستاهل تخرج للنور

طول عمرى نقطة ضعفى حب الناس وحب اللمة والونس

كل يوم أنام وأحلم احمد شقير بيكتب عنى
وأتخيل انى بأتحاور مع مكسوفة
وأفترض انى بناقش بيشو فى تأييده لكريم عامر
وأتمنى أن تذكرنى شهروزة بسخرية فى أحد بستاتها
وأنام وأنا بأناقش محمد عبد الغفار فى بوسته الأخير

لم أحتمل ابدا فكرة ان الناس دى تبقى فى خيالى .. لأنى عمرى ما كنت خيالية ابدا .. تعبت .. وقلت لازم يطلعوا من الأجهزة ويبقوا حقيقة

وحصل .. ونجحت .. أنا نجحت

شكرا ليك على اهتمامك

تحية كبيرة من قلب مجروح

Amira Hassan said...

حمد الله على السلامة يا معلم

wanna b a bride said...

حمدالله ع السلامه يا برنس

طب بالذمة حد يشعر بالغربة في دبي

دي حتى دبي هي أمي و خليجها لونه بمبي لون خيرك يا مصر

أنا جيت أهه و لطعت السادس في الصالون عشان خطرك بس

نورت البلوجر

Shower-Mirror said...

حائر :
الله يسلمك و نورتنى
-----------
كلبوظه :

ربنا يخليكى و يارب احساس الغربه ده يضيع فعلا عشان انا اتخنقت .
---------------
placebo :

قريب هاكتبلكوا اللى حصل .

The groom :

يا اخى كنت خليك هنا لاحد ماجى اهو كنا ناخد بحس بعض .. عموما انا رديت عليك عندك فى مدونتك فى عقر بيتك فى الكنيست الاسرائيلى زاته :)

Shower-Mirror said...

cigara :

ربنا يخليكى ليا... كلماتك قليله بس باموت فيها .

ياسمين :

احنا قلنا بقى انسى قلب مجروح دى :)


Amira Hassan :

الله يسلمك يا معلمه :)


bride :

اسكتى يابرايد جتلى حاله غريبه من ساعة ماجيت هنا ..!! بقيت بحب الاغانى الوطنيه .- اه و عهد الله - من كام يوم سمعت اغنية اصله ماعداش على مصر بتاعة شاديه و كنت خلاص هافتح الجاعوره و اعيط :) بس ربنا ستر

emos said...

حمدا لله على سلامتك يا حج شور انا اول مرة اجى المدونه بتعتاك و شكلاها ظرييف اوى اصل كل المدونات اللى هنا مملة ملال و نادر انك تلاقى مدونة عدلة

Racha Khoury said...

شاور ازيك؟؟؟؟
ايوه كده ارجع اكتب متصدقش اد ايه فرحت بتعليقك :))))) عارفه في حاجات كتير حتكتب عنها يلا مستنينك
ومعليش كلنا عايشين الغربه والاصعب الغربة الي جوه الوطن
خلي بالك من نفسك وانت قدها

Unknown said...

صباح الفُل
أنا قلت أصبّح
.....
طبعاً بما إن دي أول زيارة
فهيكون غير منطقي إني أقولك مبروك على رجوعك للكتابة
بس مبروك عليّا إني لقيت المدونة بتاعتك
.....
تحياتي

دينا فهمي said...

ربنا معاك ويبعد عنك الشعور بالوحدة والغربة
مدونتك حلوة فياريت فعلا ترجع تكتب تانى