لو مش هاتحلم معــايا .... مضـطر احلم بنفـــسـى
**********
لكنــى فى الحـــلم حتـــــى .... عمــرى ماهاحلم لنفســى
**********
لو كنت راح افــتش عن منصب و الا جــاة ... و اصــاحب القــدر
**********
انا ابقــى ما استحقــش.... حــلاوة الحيــاه.. و ضـحكة البشـر
**********
يا صـاحبى يا صـديقى..... ياللى طـريقك طـريقى
**********
ده انا يـوم ما أعيـش لنفسـى..... ده يوم موتى الحقـيقى
**********
لكنــى فى الحـــلم حتـــــى .... عمــرى ماهاحلم لنفســى
**********
لو كنت راح افــتش عن منصب و الا جــاة ... و اصــاحب القــدر
**********
انا ابقــى ما استحقــش.... حــلاوة الحيــاه.. و ضـحكة البشـر
**********
يا صـاحبى يا صـديقى..... ياللى طـريقك طـريقى
**********
ده انا يـوم ما أعيـش لنفسـى..... ده يوم موتى الحقـيقى
*************************
الاغنيه دى على بالى اليومين دول دايما ... بتفكرنى بأحلى سنين عمرى
26 comments:
أدام الله لك عزيز الذكريات
سلااااااام
مش كنت تقول
ولا تيجى تطل عليا و تقوللى أنك رجعت تكتب تانى
ده ماكنش عيش و ملح
قصدى ماكنش كيبورد و ماوس اللى بينا ده
على العموم حمدالله على السلامة
جميلة الكلمات للغاية
بالنسبة للغربة ربنا معاك و يعينك
و خلى بالك الشغل فى أى حتة غير مصر شغل بجد مافيهوش اللى بيحصل هنا فى الاشغال
طبعاً موضوع المصريين ده صحيح 100%و كتير قالوا عليه
مثلاً خالى عايش فى هولندا بقاله 25سنة و لغاية دلوقتى ماعندوش غير واحد صاحب مصرى بعيداً عن الشغل و كل فين و فين لما يتقابلوا
و واحد صاحبى عايش فى فرنسا برضه مايعرفش أصحاب مصريين هناك غير واحد بس و برضه بعيد عن العمل
أستمر فى خط مستقيم
و سوف تنجح
احمد بــلال :
ازيك يابو حميد انا بجد عديت عليك بس لقيتكل بقالك فتره مابتكتبش جديد ...!
و الله يا احمد احنا فى مصر كنا بنشتغل بجد برده مش زى ما الناس فاكره ... بالعكس ده انا هنا مش باشتغل بنفس الفنيات العاليه اللى كانت عندنا فى مصر ...
علي الحجار صح؟
حلوة فعلا
ما تبقى تيجي
اشمعنى ؟
عموما حاول تجدد ذكرياتك
صحيح اللى فات ما بيرجعش
بس اعمل ريفريشمنت هتنبسط
اللى فات لايعود بيكون زركى ومهما كانت فترة وعدت بس ممكن نتعلم منها حاجات كتير لانها تجربة وعشنا فيها
خلينا فى المستقبل مع نظر الى الوراء فقد للتعلم وتتلاشى الاخطاء
والحلم شىء جميل انا من راى ان الانسان لو مش بيحلم هيموت
تحياتى
those were the days
فكرتنى بالأغنية دى ظريفة اوى تبقو تسمعوها
و انت بقى يا شاور بقيت شرير و مش بتزور حد حتى جروم المسكين مش عايز تشارك فى الحرب بتاعتة
مش هقول رأيى فى المدونة بتاعتك
بس
طهقانه :
تمام هو على الحجار ... انا روحتلك و حاولت اهدى النفوس بينك و بين جوزك
......
انت حره :)
انا الذكريات بالنسبه لى محمله على انغام الموسيقى ..!! كل ذكرياتى مرتبطه بالاغانى او المقطوعات الموسيقيه ...!
و عندما اسمعها مره اخرى تستدعى الذكريات تلقائيا ... و بدون و عى او قصد ...
ابقى تعالى دايما :)
تامر :
كلامك مظبوط ..بس انا شخصيا باستمتع لما باستعيد ذكرى حلوه ... زى مابستمتع انى احلم لمستقبلى باظبط ...
emos:
انا رحتلك انتى و جروم والله ...ماتزعليش
و الاغنيه دى بتاعة مارى هوبكنز طبعا ...و انا باموت فيها و فى الكلاسيك عموما
:)
الاغنيه دى..فكرتنى بمعنى حلو جدا.."حلاوة الذكرى"..
ينفع اسم قصه تمام...
:)
ربنا يديم عليك احلى الذكريات...
إنت إنسان لطييييف جدا و حساس جدا
و أنا متخيل الغربه ممكن تكون واجعاك قد إيه
الأغنيه دى زائد موضوع الناس اللى بتشوفهم من قزاز العربيه ممكن يخلونا أصحاب
ربنا معاك
د.شيماء ( تخاريف ) :
الله عليكى ..و الله لما بتزورينى بحس انى خفيت خلاص .... :)
ابو الدراويش :
ايه ياعم ده ... انسان لطيف و حساس .. انت ناقص تسألنى انت مرتبط ...!! ههههههههه
و الله بجد كلك زوق و انا ليا الشرف نكون اصحاب طبعا ...
و مبسوط قوى انك قريت الحاجات بتاعتى القديمه ...
بس انا رحت البلوج بتاعك لقيت انك مش بتكتب من سنه 1914 ,,, فين الحاجات الجديده يا باشمهندز ....
نورتنى و النعمه ...
احلم .. حتى لو كان الحلم لك لوحدك .. احلم.. هو الحلم بفلوس
خلاص يا شاور سماح هعديهالك المرة دى بس المرة الجاية كلمتى لا ممكن تنزل الارض ابدا
يللا البوست اللى بعد منة بقى انا زهقت من دة خلاص
انا عايزة قصة لو سمحت انا بحب القصص
عايزة موقف كدة من واقع الحياة
ياااااه دي حاجة من التمانينات
كنت في ثانوية ايامها
حلو الحجار
اخبارك اية؟
مش عارفه اشكرك ازاي انك زرت مدونتي البسيطه اللي يمكن مش بلاقي و قت كبير عشان اكتب فيها لكن احب اقولك اني قريت كنير من البلوج بتاعك و شدني طبعا حنينك للذكريات , وال يمكن وقفت عندي لحد تالته اعدادي مش عارفه ليه بس بحس اني ما اتغيرتش العادات بتاعتي من ساعتها,و شدني كمان خامس مترو و الي صورت فيه رد فعل البنت اللي بيدل علي ان الحب بيسامح يمكن الحب هو اللي بيسامح مش الانسان نفسه و كأن المتحكم فيك شخص تاني غيرك, و كمان قلب عليا المواجع لاني و الحمد لله عمري ما استنيت و احد , كنت بستني بس الميكروباص لكن بدون هدف او يمكن الهدف الوحيد اني اروح بتنا و اناااااام , ام بالنسبه للحمار فارجوك سيبه في حاله لانه احب الحيوانات الي قلبي بحس جواه ذكاء رهيب و صبر عالي لتحمل البشر كل هذه القرون, و لو علي كونا مصريين نصابين او لينا عدات زفت فحاول تقلل من الكلام عن ده لان الناس بتاخده ضدنا و هما عندهم عيوب يامهو اااه كمان حبك لعربيتك عايزه اقولك كلام في سرك اني ببوس عربيتي بعد مشوار صعب هههههه سلام و صلو علي النبي عليه الصلاة والسلام
في كده سعات الواحد بيربط حاجات في حياته بأغاني معينة.وخصوصا في الغربة
على الحجار وذكريات
يااااه
الاغنيه دى بجد قديمه
مش عارفه ليه انا كل ماسمع على الحجار اصلا
افتكر الايام القديمه
حلو الميمورى كول ده
تحياتى
الله
دي حلوه قوي
هو في حد بيغنيها ؟
ايه ده انت كسلان قوي
لا هو مش كسلان بس تلاقي العيال مطلعين عينه حبتين و لا مراته مبهدلاه :)
يا رب اتجوز و اتبهدل زيه حلوة البهدلة دي
واحشنا يا مان يللا فين البوست الجديد الاغنية دي حمضت خلاص
سمعنا صوتك :)
سلااااااام من ماناساس البلد
sharm :
مانا بحلم .. هو احنا و رانا غير الاحلام ...:)
emos :
طيب غمضى عينك و هاحكيلك الشاطر حسن ...:) اخبار الموضوع اياه ايه ؟؟ روحتى و الا لأ :)
سمباتيك :
ثانويه ايه ماتقوليش كده ... ده انا كنت ساعتها فى ابتدائى ...
اخبارى ايه ؟ .... متغرب
صوت فيروز :
انا اللى مبسوط انى لقيت البلوج الجميل بتاعك ... و استغربت لما لقيت ماحدش عارفه و مهجور كده ...:)
ميرسى انك قريتى البلوج بتاعى كله و على كلامك الرقيق..
عليه الصلاة و السلام ...
يعقوب :
بالظبط كده
شجرة الدر :
طب كويس ان فى حد بيحب الزكريات زيى ... يعنى انا لسه ماتجننتش
احمد سلامه :
اه طبعا هى اصلا اغنيه بتاعة على الحجار .. مقدمة مسلسل ابو العلا البشرى فى الثمانينات من القرن الماضى ....:) ياه ده انا كبرت قوى ..
الف شكر يا دكتور احمد .. و مدونتك تحفه
طهقانه :
انا كسلان مين قال كده ... ممكن تناولينى كوباية ميه
جروم :
بقى كده .... ماشى و الله مانا مدافع عنك تانى يا ندل ....
المدام و الولاد لسه فى مصر ... قدامى كمان شهر لوحدى ...
و بعدين انا محدش يقدر يبهدلنى ...! انت فاهم
و النبى ما حدش يقولها .
انا مش باحضر لبوست جديد و بس ...لأ ده انا عاملكوا مفاجأه ... بلوج جديد بحاله
سيد حجاب و إبداعات سيد حجاب.. عمل هو و عمار الشريعي منظومة رائعة من تترات المسلسلات و لا يزال. متهيألي لو سيد توفاه الله مش هايعملوا تترات للمسلسلات و هايخشوا في الحلقة على طول :)
الأغنية فعلا هايله أنا كمان بحبها أوي وبتفكرني بفترة جميله في عمري
O3'nya dih begad 3ashet ma3ana ketir, lamma ba3zefha 3ala el3od ba7ess enny 3awza abky le2en mafish 7ad elnhrda beyfakkar ella f nafsoh we law fakkar f 3'eroh elnas teftkro 3abit aw testa3'loh....
Dih kanet titre Mosalsal Abo el3ela Elbeshry we al7an Ammar elsheri3i rabena yedih else7a.
My brgds, toblerone007
Post a Comment