يعلن الحاج ميرور وولده شاور عن افتتاح بلوج جديـد
"البلوج اسمه " بلكـــــــــون
لأ مش البلكونه بتاعة الغسيل ياظريف …. :)
و لا بتاعة ابن الجيران يا نحنوحه .... :)
البــــلكون بتاع ا لســــينمــــــا
انا با حب السينما قوى ...و بامووت فى الافلام
و باعتبر الموسيقى و الافلام بيكونوا جزء كبير قوى من شخصيــتى
هاحكيلكوا فى البلوج ده عن كل فيلم جديد هاشوفه سواء اجنبى او عربى
و هاقولكوا معلومات تفصيليه عنه
او
هانتكلم سوا عن الافلام القديمه ...اللى شوفناها كلنا و نحكى لبعض عن زكرياتنا معاها
او
نحكى لبعض عن الافلام اللى بنشوفها فى الحياه ... اللى ساعات بتكون اغرب من افلام السينما
قولولى ايه رأيكوا ابدأ فى الموضوع و الا الفكره مضروبه ....................؟؟؟؟؟؟؟
"البلوج اسمه " بلكـــــــــون
لأ مش البلكونه بتاعة الغسيل ياظريف …. :)
و لا بتاعة ابن الجيران يا نحنوحه .... :)
البــــلكون بتاع ا لســــينمــــــا
انا با حب السينما قوى ...و بامووت فى الافلام
و باعتبر الموسيقى و الافلام بيكونوا جزء كبير قوى من شخصيــتى
هاحكيلكوا فى البلوج ده عن كل فيلم جديد هاشوفه سواء اجنبى او عربى
و هاقولكوا معلومات تفصيليه عنه
او
هانتكلم سوا عن الافلام القديمه ...اللى شوفناها كلنا و نحكى لبعض عن زكرياتنا معاها
او
نحكى لبعض عن الافلام اللى بنشوفها فى الحياه ... اللى ساعات بتكون اغرب من افلام السينما
قولولى ايه رأيكوا ابدأ فى الموضوع و الا الفكره مضروبه ....................؟؟؟؟؟؟؟
يعنى هانعمل هنا استفتاء ...بس استفتاء بجد مش بلاستيك
تقدروا تبدأوا تـــــلطموا ...قصدى تصوتوا هنا من دلوقت
*************
ملحوظه : برجاء استخدام الرجل اليمين عند الدخول
تحديـــــــــــث
يعرض الان فى بلـــــــــــــكون
فيلم الافتتاح
Alpha Dog
21 comments:
أنا ممكن ان شاء الله أظبطك على قدي في الأفلام اللي شفتها
لكن الصراحة أنا عمري ما دخلت سيما يعني لو فيلم جديد اعذرني مش حعرف أقولك فيه ايه
سلااااااااااااااام من ماناساس البلد و انت كمان والله وحشتني
انا دعبست في البلوج أني الاقي سبب الأسم أو معنى الأسم أبدااااااا
هتعرف بسبب حيرتي بس ده سر
أصل أنا من حوالي خمس سنين جددت الحمام عقبال الحبابيب وفضل لغاية النهاردة من غير مراية
!!!!
محدش يسألني بغسل سناني ازاي بغسلها عادي من فوق لتحت ومش محتاجة أبص في المراية أصلي حفظتها
:)
أوحش صورة تعكسها لي مرآة الحمام يا ترى هو ده قصدك
جروم :
ازيك .... انتى بتقول انك عمرك مادخلت سينما ...ازاى كده ؟؟؟ ده انا و الله لسه جاى من السينما حالا ...الساعه دلوقتى 3 الفجر فى دبى ...بحضرلكوا شغل للبلوج الجديد
سكينه :
لأ مش ده قصدى طبعا :) سبب الاسم هاتلاقيه فى اول البلوج ... فوق تحت الاسم علطول
ميرسى لزيارتك و ابقى تعالى كتييير
مبروووك
عقبال الكوشة للعدويين
مبروك على المدونة الجديدة
وشكراً على الزيارة
:)
حلوة حكاية الأفلام دي...ممكن تاخدنا من الواقع لعالم الخيال
جميل جداً
سيري يا نورماندي ..مسراكي ومجراكي
نوني
لا سلام و لا كلام
تكونش لطشت الفكرة دية من البوست بتاع الرهينه؟؟؟؟؟؟؟؟؟
لأ يا ضينايا كله الا كده
دا انا ارفع عليك قضية و ازحلقك فى
المحاكم
قال على راى المثل
البلوج بلوج اللى خالفونا و البلوجرز حاييجوا يقريفونا
اما بقى ان كان البتاع داه بنت من بنات افكارك
فانا منكن اساعدك
اصلى من النوع اللى بيركز اوى فى
الافلام و الاجنبى بالزيت قصدى بالذات و بحب انقد
و يا سلام بقى لو عربى بابهدله
يلا بالاذن كفاية عليك كده دلوقت
خمسه كده اما اظبت النضارة و اقعد كده
و ركز فى الكلام اللى حاقوله
ان كان على الفكرة مش بطاله
انا حابتها فعلا
و اهو برده ممكن نحذر بعض من بعض الافلام اللى عامله زى المصايب اللى بتيجى متعرفش منين
سلام
فكره مفتكسه ومحدش عملها قبل كده تمام
اما مضروب ولا مش مضروب هتعرف من ردود الأفعا لاهم حاجه انك تكون موجود وتفكرنا ديما بالجديد وشوف ايه النظام
و الله فكرة حلوه يا ميرورو يا اخويا
حاكم انا احب السيما اوي زي الواد بتاع فيلم بحب السيما
, و طول عمري اقعد اتفرج علي افلام المخرج المنخوليه ده انتم عارفينه و اروح (زمان بقي ) المدرسه اقولهم شوفتوا الفيلم الفلاني, يقلوا لي اه بس ما فهمناش حاجه
اقولهم ازاي ده الفيلم خطير , يحمل بين جوانحه عدد لا نهائي من الرموز
عموما الفكرة حلوه , و مرسي كتير علي الزيارة
اللهم صلي علي محمد
اه علي فكره لو دخلت عندي ,, في بلوج اسمه جازز علي ضروسي شوفه و النبي , و لو عندك تعليق قوله حاكم انا عايزه الناس تخرج اللي جواها
سلام
موافقة على الفكرة
حلوة اوى
فكرة حلوة
الف مبروك على الافنناح وانا هجى عندك كتير يعنى خلى مكانى محجوز على طول
تحياتى
اممممممم
فكرة لذيذة جدا
مستنيين بقى نشوف الجديد
:)
الف مبروك
عقبال ما تاخد بلوج ايجار جديد
لولولولولولوي
اسف يا شاور
ادعيلي بس
الله يكرمك ادعيلي
على بالي والله
ادعيلي تاني
سلاااام
حلوه اوى الفكره بجد
جديده
مش شفتها عن حد قبل كدا
وعلى فكره انا مهووسه افلام اجنبى
وتقريبا عندى كام فيلم كدا حافظاهم والحمد لله
اما العربى الى بيقابلنى بس بالصدفه بتفرج عليه
بس مش هنكر انى ليا كام قيلم كاد لو فضلت اشوفهم سنين مش هزهق منهم
شكرا ليك لزيارتك البلوج عندى
و كل سنه وانت كمان طيب
ويا رب قبل السنه الجايه تكون محقق كل اللى بتتمناه
شكرا ليك مره تانيه
وارجو تكرر زيارتك تانى
:)
هيه فكرة لذيذة لكن لما تشوف الفيلم على الطبيعة بيكون أحسن من إن حد يحكيه مش بتحس بالأكشن والتشويق غير من خلال الرؤية لكن أنت ممكن تحكي عن أفلام معظم الناس شافتها لكن تحكي عنها من خلال رؤيتك الخاصة ممكن تنقدها في بعضالمشاهد وتقول لو كان كذا كان يبقى أحسن
وممكن تؤيدها في بعض المشاهد حسب وجهة نظرك أنت بالذات إني شايفه انك مهتم أوي بالسنيما
وواضح انك بتحبها أوي
تحياتي
لا الفكرة حلوة..
السينما شئ جميل..
ربنا معاك..
و بالمناسبة دي اقطعلي تذكرتين بس في الاخر لو سمحت..
تحياتي
مبروك على المدونه
هكون اول واحد يكون معاك فى الخطوه دى
الى الامام
طيب واللي رجليه الاتني في الجبس..
يدخل ازاي؟
والا يقعد في بيتهم ؟
صباح الخيييييييييييير يا قمرات ويا قمريييين ....لازم كل واحد يصحى من بدرى يصبح هنا الاول ..مش هنا اول حاجة الواحد بيبص فيها لما بيقوم ولا ايييييييييييييه........
تعالو زوروناااااااااااا باى باى
دوبا
Post a Comment